• slider_sm.png

News

Pashent mester haci uzo di e entrada principal na e edificio MOB te proximo aviso

Pa motibo imprevisto tin cambio den entrada pa Wondpoli, esta Center of Advanced Wound Care Aruba. Awor por baha e pashent cerca di e entrada principal di e edificio MOB. Esaki ta mesun entrada cu ta wordo uza pa baha pashentnan cu mester acudi na departamento di Emergencia. Ora e pashent drenta entrada principal di e edificio nobo lo tin personal di security cu por yuda guia unda pa bay pa yega WondPoli.

Hospital ta un luga dinamico, pues constantemente tin cos cu por pasa y den esey tambe ta pone cu por tin cierto inconveniencia. Di parti di Directiva di Hospital, staf y personal ta pidi disculpa pa e inconveniencia aki.  

Entrante dialuna awo por sinti algun inconveniencia den e lobby na e entrada principal

 

Actualmente manera ya tur hende por a nota Hospital ta trahando duro riba construccion di un miho futuro. Entrante dialuna awo dia 12 di juni tambe lo bay cuminsa cu trabounan di renobacion di e edificio actual. Esaki ta tuma luga na prome instante den e lobby na e entrada principal di Hospital. Ya caba a cera e sala di conferencia unda cu temporalmente e botica lo bay ubica pa asina nan por renoba dicho departamento. Esaki tambe ta nificia cu tin mester cera parti di e cafetaria unda por sinta come. E bishitante por busca cuminda manera normal y tin un area traha parti pafo cu por sinta come. Tambe lo traha un localidad temporario pa e departamento di Opname net otro banda unda aworaki tin algun rij di stoel unda por sinta warda. Asina tambe nan por renoba eyden. Den futuro cercano e kassier lo muda na final di e gang di lobby y p’esey lo ‘baken af’ parti di e oficina eybanda.